Maria dij Gat Şarkı Sözleri (Lyrics)

Şarkıcı Gipo Farassino


A-j son le fomne bele ò brute,
grasse, màire, longhe, cite.
A-j son le drite, a-j son le fole,
cole ch’a l’han le pupe mòle.


Un a peul serne come a veul
ël sistema at rompse 'l còl
ma a venta pròpi esse mat
për podèisse an-namoré ‘d Maria dij Gat…


Maria l’è drola e ‘n pò garola,
a buta ‘l paltò anche d’istà,
a son-a ‘l saxofono, a parla da sola,
a smìa ‘n buracio scarpentà.


Epura mi, sensa Maria,
sai pròpi nen còsa i farìa,
sensa soa boca ch’l’è ‘n bombon,
sensa so còrp da passaròt ch’a a sa ‘d toron…


Maria, Maria dij Gat,
it rive vers mesdì, carià ‘d pachet,
e tuti ij gat dël borgh an sël piassal,
të speto e a vëddo an ti Papà Natal.


Maria, Maria dij Gat,
të stërme tò boncheur ‘nt ij pachèt
ël mond a savrà mai che tuti ij di
it goèrne tò pì bel pachèt për mi…


Ant una sofia, al pian dle stèile,
mi e Maria i l’oma fondà
na società, sensa pretèise,
ma con decòro e serietà:


chila a sopòrta mi poesia,
mi i rijo nen ‘d soa pietà.
Për mes bicer ëd soa fantasìa
mi i pago ‘n sècol d’esperiense camollà.


E tuti ij di mi, con Maria,
faso mè sàut al sétim cel,
për peui calè con nostalgia
con an sacòcia mè ritornel;


përchè lassù, treuvo il canton
andoa a fiorisso le canson,
fra le memorie ‘d la mia prima età,
quand j’era bon a vive për l’eternità…


Maria, Maria dij Gat,
it rive vers mesdì, carià ‘d pachet,
e tuti ij gat dël borgh an sël piassal,
të speto e a vëddo an ti Papà Natal.


Maria, Maria dij Gat,
të stërme tò boncheur ‘nt ij pachèt
ël mond a savrà mai che tuti ij di
it goèrne tò pì bel pachèt për mi...


Maria, Maria dij Gat,
të stërme tò boncheur ‘nt ij pachèt
ël mond a savrà mai che tuti ij di
it goèrne tò pì bel pachèt për mi...
it goèrne tò pì bel pachèt për mi...




Arama
Hakkımızda
Sarkisozu.life size Dünya'da var olan bütün şarkıların (yerli ve yabancı) sözlerini sizlere aktarmayı hedefliyor.